“Choʻyantepa” mahallasidagiMoʻgʻol qishlogʻida 18 ta koʻchalar mavjud boʻlib, bu hududda jami 3 301 nafar aholi yashaydi. Mahalliy aholi asosan uzumchilik bilan shugʻullanadi...
Yoʻlingiz tushib tuman markazidan ancha olisdagi “Choʻyantepa” mahallasiga borib qolsangiz koʻnglingiz yayraydi. Mahallaning markaziy koʻchasida qurilgan zamonaviy turar-joy binolari, aholiga xizmat qilayotgan savdo doʻkonlari, dorixonalar, maishiy xizmat uylari, oilaviy shifokorlar punkti, avtomobillarga texnik xizmat koʻrsatuvchi ustaxonalar aholiga beminnat xizmat koʻrsatmoqda.
Yoʻlingiz tushib tuman markazidan ancha olisdagi “Choʻyantepa” mahallasiga borib qolsangiz koʻnglingiz yayraydi. Mahallaning markaziy koʻchasida qurilgan zamonaviy turar-joy binolari, aholiga xizmat qilayotgan savdo doʻkonlari, dorixonalar, maishiy xizmat uylari, oilaviy shifokorlar punkti, avtomobillarga texnik xizmat koʻrsatuvchi ustaxonalar aholiga beminnat xizmat koʻrsatmoqda.
29 nafar tadbirkorlar tashabbusi va jonkuyarligi sababli mahallada goʻsht doʻkoni, 2 ta dorixona, tukuvchilik sexi, 1 ta maktab, 3 ta oilaviy maktabgacha taʼlim tashkiloti, 1 ta DMTT, 15 ta savdo doʻkoni, 3 ta sartaroshxona, 2 ta avtoustaxona, 2 ta avtoyuvish shoxobchasi, 2 ta toʻyxona, 1 ta kichik bazmlar uchun kafe, 3 ta oshxona, 1 ta har juma kunlari boʻladigan Dehqon bozori aholi xizmatida.
Shuningdek, mahalla hududida faoliyat yuritayotgan 24 ta fermer xoʻjaliklarida va kam taʼminlangan oilalarga boʻlib berilgan 69 gektar maydonda shirin-shakar uzumlar yetishtirilmoqda. “Ayollar daftari”da roʻyxatda turuvchilarning 30 nafari doimiy ish bilan taʼminlandi. 26 nafar boquvchisini yoʻqotgan ayollarga moddiy, tibbiy, huquqiy yordam koʻrsatildi. 36 nafar nogironligi boʻlgan xotin-qizlarga tegishli yordamlar berildi. “Yoshlar daftari”dagi yoshlarning 28 nafariga moddiy-amaliy yordam koʻrsatilib, 5 nafari doimiy ish bilan taʼminlandi. 
- Hududimizdagi hamma qishloq koʻchalarimiz ilgari qishda loy, yozda tizza boʻyi tuproq edi. Bugungi dorilamon kunlar sharofati bilan hamma koʻchalarimiz asfaltlandi. Mahallamiz markazi shaharga aylanmoqda, - deydi “Choʻyantepa” MFY raisi Buvrajab Qoʻziyeva. - Tadbirkorlarimiz himmati bilan mahallamiz kun sayin obodonlashib bormoqda. Shu tufayli aholimiz turmush darajasi, farovonligi yaxshilanib bormoqda. Mahallamizning gullab yashnashida, toʻy-maʼrakalarni tartib bilan, kamxarajat va spirtli ichimsizlik bilan oʻtkazishda Rayimqul Islomov, Ochilxon Musayev, Abduzoyir Pirmatov, Islom Pardayev, Ziyodulla Oʻljayev, Xoʻjanazar Boʻriboyev, Vakil Vassiyev, Norxol Toʻychiyeva, Mehriniso Pardayeva, Gulsara Bobonazarova, Qunduz Umarova, Kamola Yarmatova kabi nuroniy otaxon va onaxonlarimizning bebaho maslahatlari katta naf bermoqda.- Oila tinchligi - yurt farovonligi, deb bejiz aytilmagan, - deydi “Choʻyantepa” MFY xotin-qizlar faoli Dilafroʻz Irisqulova. - Mahallamizdagi 1 522 nafar xotin-qizlarimiz hayoti, salomatligi, tinchligi doimiy eʼtiborimizda. Oilaviy shifokorlar, qoʻli em hamshiralar, keksa onaxonlarimiz va har bir oiladagi xotin-qizlar bilan dildan suhbatlashamiz. Ularning dardiga quloq solib, tegishli maslahatlar berib borayapmiz. Shu sababli mahallamiz xotin-qizlari bir-biriga mehribon, mehr-oqibatli boʻlib, farovon yashashmoqda.
Mahallamizning faol xotin-qizlaridan biri, tadbirkor ayol Gulandon Jumayeva tashabbusi bilan yaqinda “Guli Sulaymonovna liboslari” MCHJ tikuvchilik sexi ishga tushirildi. Tadbirkor Gulandon Jumayeva rahbarligida “Ayollar daftari”dagi 20 nafar xotin-qizlarimiz bandligi taʼminlandi. Doimiy ish bilan taʼminlangan tikuvchi xotin-qizlarimizdan Raʼno Qayumova, Guljahon Niyozova kabilar mahallamiz faollaridan, tadbirkor Gulandon opadan mamnun ekanliklarini koʻpchilik nomidan izhor etishdi. “Guli Sulaymonovna liboslari” MCHJ tikuvchilari tikayotgan milliy liboslar mahalla xotin-qizlariga manzur boʻlmoqda.Shu kunlarda Respublikamiz boʻyicha oʻtkazilayotgan “Yashil makon” doirasi asosida shaharga aylanib borayotgan Choʻyantepa mahallasi hududida ham keng koʻlamli kuzgi daraxt ekish ishlari amalga oshirilmoqda. Boʻsh qolgan maydonlar, yoʻl chekkalari, maktab va bogʻchalar, hovlilarda turli xil mevali va manzarali daraxt koʻchatlari, anvoyi gullar qalamchalari ekish ishlari qizgʻin bormoqda.
Rabbim HOTAMOV.
