ЗЕРО, У ЖОЙДА АЖДОДЛАР ҚЎНИМ ТОПГАН
9 май - Хотира ва қадрлаш куни арафасида туманимиздаги мавжуд қабристонларда ободонлаштириш ишлари қизғин олиб борилмоқда. Қабристонларда ётган азиз инсонлар руҳини шод қилиш учун ҳамма биргаликда енг шимариб ишга киришиб кетди.
Жумладан, Хўжабачча маҳалласидаги Дониёртепа тепалигидаги “Нурафшон” қабристонида ҳам катта обобдончилик ишлари олиб борилди.
- Қишлоқ фаоллари ёрдамида уюштирилган ҳашар туфайли қабристон атрофи замонавий бетон девор билан ўралди, - дейди “Нурафшон” қабристони назоратчиси Эгамберди Ашуров. - Чиройли плита йўлаклар тартибга солиниб, ҳар икки томонига анвойи гуллар экилди, ичимлик суви таъминоти учун водопровод ўрнатилди. Бир неча юз йиллик тарихга эга бўлган бу қаристонга зиёратга келиб-кетувчилар учун барча қулайликлар яратилди.Раббим ҲОТАМОВ.
