Халқ таълими тизимига замонавий таълим янгиликларини тадбиқ этиш бўйича мамлакатимиз миқёсида кенг кўламли ишлар амалга оширилаяпти. Бу борада туманимизда ҳам амалий ишларга киришилган.
Яқинда туман халқ таълими бўлимига қарашли 1-ИДУМ ва 18-умумий ўрта таълим мактабларида PIRLS-2021 халқаро баҳолаш тадқиқоти бўлиб ўтди. Унда иккала мактабларнинг 4-синф ўқувчиларидан жами 64 нафар ўқувчилар иштирок этишди. Шуни айтиш керакки, ушбу тадқиқотда Ўзбекистон Республикаси биринчи бор иштирок этиши. Ушбу тадқиқотда ўқувчилар кўтаринки кайфиятда иштирок этишди.
Таъкидлаш жоиз, ўқувчилар билим доираси, дунёқарашини кенгайтиришда бу каби илғор замонавий таълим усуллари яхши самара беради. Шу боисдан, мамлакатимизда бунга алоҳида эътибор қаратилаяпти. Бу каби ишлар келгусида ҳам давом эттирилади.
Таълим тизимидаги бундай янгиликлар таълим сифатини ошириш, баҳолашда холислик ва адолатни таъминлашга хизмат қилиши шубҳасиз.Содиқ ҒОЗИЕВ,
туман халқ таълими бўлими таълим сифати
мониторинги бўлими бош инспектор методисти.
