Хабарингиз бор, ишсиз, кам таъминланган, саломатлиги билан боғлиқ ёки бошқа бир муаммоси бор хотин-қизлар билан манзилли ишлаш мақсадида "Аёллар дафтари" ташкил этилган. Шу асосда рўйхатга олинган ҳар бир хотин-қизларнинг ҳаёт тарзи, яшаш шароитлари, жамиятдаги ўрни ўрганилиб, чуқур таҳлил қилиниб, уларга кенг кўламли ёрдамлар кўрсатилиб, жамиятдаги мавқеини тубдан юксалтириш чоралари кўрилмоқда.
Яқинда туманда “Аёллар дафтари”га киритилган 1523 нафар ишсиз хотин-қизларнинг бандлигини таъминлаш мақсадида вилоят ишчи гуруҳи вакиллари билан семинар ўтказилди. Семинарда ҳаёт тарзи ўрганилган хотин-қизларга давлатимиз миқёсида кўрсатилаётган ёрдамлар доирасида қандай ғамхўрликлар қилиниши билан боғлиқ аниқ вазифалар белгилаб олинди.
Семинардан кўзланган мақсад - ишчи гуруҳлар жойларга юборилиб, ушбу хотин-қизларнинг ҳар бири билан индивидуал гаплашган ҳолда, хоҳиш-истакларини аниқлаш ҳамда муаммоларини жойида ҳал этишдир. Бу давлатимиз сиёсатида устуворлик касб этаётган инсонга ғамхўрликнинг амалий ифодаси бўлиб хизмат қилади.
Наргиза АБДУРАҲМОНОВА.
