Yurgan daryo, o'tirgan bo'yra, deb bejiz aytilmagan. Rayimjon aka Turg'unov ham ko'p qatori dunyo kezgan, ko'pni ko'rgan insonlardan biri. Jizzax viloyatining G'allaorol tumanida tug'ilib voyaga yetgan Rayimjon aka ko'p yillar davomida davlat tashkilotlarida mas'uliyatli lavozimlarda ishlab, nafaqaga chiqdi.,
O'tgan yillar davomida sadoqatli turmush o'rtog'i, oqila uy bekasi Dilbar opa bilan besh nafar farzand - to'rt o'g'il va bir qizni oq yuvib, oq tarab voyaga yetkazishdi. Ayni paytda o'g'illari Farhod, Furqat, Qahramon, Azizbek, qizi Nigoraxonlar mustaqil yurtimizning ravnaqi yo'lida ota-onalari singari samarali mehnat qilishmoqda...
- O'zim bolalar uyida tarbiyalandim, - deydi 83 yoshini qarshi olayotgan Rayimjon bobo. - Davlat, xalq meni boqib, voyaga yetkazishdi. Bugungi kunda farzandlarimizning hammasi o'qimishli, oilali, tinch-totuv yashashmoqda. Shu sababli turmush o'rtog'im Dilbarxon bilan dunyo bo'ylab sayohatga chiqdik. Ham sayohat - ham daromad, deganlariday dunyoning rivojlangan davlatlari - Meksika, Kanada va Amerika Qo'shma Shtatlarida bo'lib, bu yerda har bir inson uchun yaratilgan shart-sharoitlarga havas qildim. O'n yil davomida nomi ko'rsatilgan mamlakatlarda ishlab topgan pullarimiz evaziga o'zimizning jannatmonand yurtimiz O'zbekistonda havas qilinadigan ishlarga sarflashni niyat qilgan edim...
- O'zim bolalar uyida tarbiyalandim, - deydi 83 yoshini qarshi olayotgan Rayimjon bobo. - Davlat, xalq meni boqib, voyaga yetkazishdi. Bugungi kunda farzandlarimizning hammasi o'qimishli, oilali, tinch-totuv yashashmoqda. Shu sababli turmush o'rtog'im Dilbarxon bilan dunyo bo'ylab sayohatga chiqdik. Ham sayohat - ham daromad, deganlariday dunyoning rivojlangan davlatlari - Meksika, Kanada va Amerika Qo'shma Shtatlarida bo'lib, bu yerda har bir inson uchun yaratilgan shart-sharoitlarga havas qildim. O'n yil davomida nomi ko'rsatilgan mamlakatlarda ishlab topgan pullarimiz evaziga o'zimizning jannatmonand yurtimiz O'zbekistonda havas qilinadigan ishlarga sarflashni niyat qilgan edim...
- Bundan o'n-o'n besh yillar oldin Samarqand shahridan kelishda, Jomboy tumanidan o'tib Bulung'ur tumaniga kirishdagi Samarqand -Toshkent katta avtomagistral yo'lning chap tarafidagi e'tibordan chetda qolib, chiqindixonaga aylanayotgan katta tashlandiq maydon e'tiborimni o'ziga jalb etdi, - deydi Rayimjon bobo. - Tuman hokimligi, keng jamoatchilik vakillari, muta-xassislar bilan maslahatlashib, mana shu joyni obod qilishga bel bog'ladim. Mustaqil yurtimiz rahbarlarining yo'l chetlarini obod qilish, yo'lovchilar uchun qulay sharoitlar yaratishga bag'ishlangan qator qarorlari asosida bu yerda oilamiz a'zolari bilan birgalikda keng ko'lamli ishlarni boshlab yubordik. Shu bois "Ismatillo savdo servis" firmasiga asos solindi.
Dastlab maydon qudratli texnikalar yordamida tekislanib, tartibga solindi. Chet ellardan olgan taassurotlar, yangi zamonaviy loyihalar asosida zamonaviy ko'rinishiga ega bo'lgan avtomo-billarga benzin, propan va metan gaz quyish shoxobchalari qurilib, ishga tushirildi. Atrofi obodonlashtirilib, manzarali daraxtlar va anvoyi gullar ekildi. Shuningdek, yo'lovchi meh-monlar uchun xizmat ko'rsatadigan har tomonlama qulaylikka ega bo'lgan ikki qavatli zamonaviy mehmonxona binosi bitkazilib, hudud ko'zni quvontiradigan mo'jazgina shaharchaga aylanib qoldi. Mehmonxona oshxonasi, issiq va sovuq suvli dushxona, hojatxona, yotoqxona, yozgi basseynlar mehmonlar ixtiyorida. Ayni paytda mehmonxona yonidan xalqimiz uchun zamon talablari asosida ikki qavatli oshxona qad ko'tarmoqda.
- Rayimjon aka jonkuyar, bag'ri-keng, yangilikka intiluvchi inson, - deydi tuman Nuroniylar kengashi raisi Ochil Ahmedov. - Qo'lidan gazeta tushmaydi. Yurtimiz bo'ylab amalga oshirilayotgan yangiliklarni kuzatib boradi. U kishi bilan suhbatlashsangiz bahri dilingiz ochiladi. Rayimjon bobo tadbirkor nuroniy sifatida Mustaqilligimizning 32 yillik ulug' bayrami munosabati bilan tumanimiz markazi va qishloqlaridagi nuroniy bemorlar holidan xabar olib, ularga sovg'a-salomlar ulashdi. Shuningdek, bir nafar nogironga nogironlik aravachasi sovg'a qildi. Eng asosiysi, keksa nuroniy Rayimjon bobo tashabbusi bilan ishga tushirilgan "Ismatillo - savdo servis" firmasiga qarashli savdo majmuasida ayni paytda mahalliy aholidan iborat 10 nafardan ortiqroq fuqarolar doimiy ish bilan ta'minlandi.Shu kunlarda Bulung'ur tumanidan chiqishda yoki aksincha tumanga kirishdagi bu shaharmonand manzarani ko'rgan kishining ko'zi quvonadi. Elim deb, yurtim deb jon kuydirib mehnat qilayotgan Rayimjon bobo Turg'unovga o'xshagan insonlarga tasannolar bo'lsin.
Rabbim HOTAMOV,
O'zbekiston Jurnalistlari ijodiy uyushmasi a'zosi.
O'zbekiston Jurnalistlari ijodiy uyushmasi a'zosi.
