Бу кунларни кўриб, шундай ажойиб замонда яшаётганимга шукроналар айтаман. Ўтган давр мобайнида мустақил юртимизда оламшумул ўзгаришлар бўлди. Кўз кўрса қувонадиган, ойнадай текис равон асфальт йўллар, янги замонавий чиройли уйларнинг кўриниши кўзни қувонтиради.
Ёшлигим қишда лой, ёзда тизза бўйи тупроқли қишлоқ кўчаларида ўтди. Шаҳарга ёки туман марказига бориб келиш анча машаққат эди. Транспорт деярли йўқ ҳисоб. Уйларимиз томи ҳар йили куз пайти ҳашар йўли билан лойшувоқ қилинарди. Ёғингарчилик кўп бўлган айрим пайтларда томдан томчи ўтарди. Қаерга яширинишни билолмай сарсон эдик. Бугунги кундаги уйларнинг томига назар соламан. Бири биридан чиройли шиферланган замонавий турар жойлар, уйлар Ватанимиз ободлигидандир.
Ҳалигача эсимдан чиқмайди. Қишлоқдами, туман марказидами қатъий назар, пишиқ ғиштдан уй қурган уй эгаси албатта сўроққа тутиларди. Ёки бирор киши машина олиб қолса борми:
- Ойлигинг қанча? Бунча пулни қаердан олдинг, - деб суриштириларди. Бугунги фаровон кунда ҳар бир хонадондаэҳтиёжига қараб кам деганда 2 та ёки 3 тадан машина бор. Кўчага чиқсангиз йўлда қолиб кетмайсиз. Машиналар катта-кичик йўллардан кеча-ю кундуз тинимсиз ўтиб турибди. Ёшларимизга яратилаётган шароитларни, имтиёзларни айтмайсизми. Қандай чиройли ва кўркам мактаб ва олийгоҳларида таҳсил олишмоқда. Бунинг бариси албатта, Мустақиллигимизнинг шарофатидандир. Шуларни ўйлаб ғазал мулкининг султони Алишер Навоийнинг “...азизим, дунёга бевақт келибмиз” деган пурмаъноли сўзлари эсимга тушиб кетди. Қани энди мен ҳам шу кунларда ёш бўлсам-у белдаги, билакдаги куч-қувватларим билан Мустақиллигимизнинг гуллаб-яшнаши учун муносиб ҳисса қўшсам дейман, - деган ширин ўй-хаёллар ўтади.
Ёшлигим қишда лой, ёзда тизза бўйи тупроқли қишлоқ кўчаларида ўтди. Шаҳарга ёки туман марказига бориб келиш анча машаққат эди. Транспорт деярли йўқ ҳисоб. Уйларимиз томи ҳар йили куз пайти ҳашар йўли билан лойшувоқ қилинарди. Ёғингарчилик кўп бўлган айрим пайтларда томдан томчи ўтарди. Қаерга яширинишни билолмай сарсон эдик. Бугунги кундаги уйларнинг томига назар соламан. Бири биридан чиройли шиферланган замонавий турар жойлар, уйлар Ватанимиз ободлигидандир.
Ҳалигача эсимдан чиқмайди. Қишлоқдами, туман марказидами қатъий назар, пишиқ ғиштдан уй қурган уй эгаси албатта сўроққа тутиларди. Ёки бирор киши машина олиб қолса борми:
- Ойлигинг қанча? Бунча пулни қаердан олдинг, - деб суриштириларди. Бугунги фаровон кунда ҳар бир хонадондаэҳтиёжига қараб кам деганда 2 та ёки 3 тадан машина бор. Кўчага чиқсангиз йўлда қолиб кетмайсиз. Машиналар катта-кичик йўллардан кеча-ю кундуз тинимсиз ўтиб турибди. Ёшларимизга яратилаётган шароитларни, имтиёзларни айтмайсизми. Қандай чиройли ва кўркам мактаб ва олийгоҳларида таҳсил олишмоқда. Бунинг бариси албатта, Мустақиллигимизнинг шарофатидандир. Шуларни ўйлаб ғазал мулкининг султони Алишер Навоийнинг “...азизим, дунёга бевақт келибмиз” деган пурмаъноли сўзлари эсимга тушиб кетди. Қани энди мен ҳам шу кунларда ёш бўлсам-у белдаги, билакдаги куч-қувватларим билан Мустақиллигимизнинг гуллаб-яшнаши учун муносиб ҳисса қўшсам дейман, - деган ширин ўй-хаёллар ўтади.
Турмуш ўртоғим Саломатхон билан салкам 50 йилда олти нафар фарзанд, тўрт ўғил ва икки қизни оқ ювиб оқ тараб вояга етказдик. Биз орзу қилган ишларни ўғилларимиз Баҳромбек, Одилжон, Орифжон, Жасурбек, қизларимиз Нигорахон ва Нафисахонлар бажаришиб, Мустақиллигимиз тараққиёти йўлида турли жабҳаларда меҳнат қилишмоқда. 24 нафар невара ва 3 нафар чевараларимиз атрофимизда парвона. Биз кексалар учун бундан ортиқ бахт бўлмаса керак.
Ашир бобо АЗИМОВ,
Исори Ўроқли МФЙ фуқароси.
