Булунғур туманидаги 22-умумтаълим мактабининг 9-синф ўқувчиси Аҳмад ХУРШИДОВ Бутунроссия “Билимлар даври” фан олимпиадасида алгебра фани бўйича билимини намойиш этиб, мутлоқ ғолиб сифатида диплом соҳиби бўлди.
Шу йилнинг апрель ойида Аҳмад алгебра фани бўйича ўтказилган Бутунроссия фан олимпиадасида иштирок этиб, биринчи ўринни эгаллаган эди.Ҳозирда ўқишини давом эттиришни таклиф қилиб АҳмадХуршидовни дунёнинг 50 мамлакати ўзига чорлаяпти.
-Ҳар бир инсоннинг келажаги ҳақида жонкуярлик қилувчи устози бўлади, - дейди Аҳмаджон. - Мен учун қаттиққўл, доно ва ҳушёр устоз Абдулла Маматқулов бўлади. Ютуғимда мени фан олимпиадаларига бир неча йилдан буён пухта тайёрлаб бораётган устозимнинг ҳиссаси катта. Унинг дарслари мазмунли ва қизиқарли, қизиқарли дарс олган ўқувчида ўқишга қизиқиш ортади. Устоз бизга фақат чуқур билим бериш билан кифояланмайди, шунингдек мусобақаларга ҳам пухта тайёрланишимизга кўмаклашади.40 йилдирки Абдулла Маматқулов ёш авлодга математика фанидан сабоқ беради. Унинг мазмундор дарсларидан сабоқ олган кўпгина ўқувчилари математика фани бўйича туман, вилоят, республика ва халқаро миқёсидаги фан олимпиадаларида фаол иштирок этиб, ғолибликни эгаллашиб, совринлар соҳиби бўлишмоқда. Ўқувчиларидан бири Шаҳноза Очилова 2015 йили Зулфия мукофоти совриндори бўлган эди, 2017 йилда эса яна бир ўқувчиси Худоёр Жуманов Москвада математика фанидан ўтказилган олимпиадада олтин медални қўлга киритди.
Олий тоифали ўқитувчи Абдулла Маматқулов ёш авлодга чуқур билим бериш ва тарбиялашдаги юксак ҳиссаси учун “Ўзбекистон мустақиллигига 25 йил” кўкрак нишони, “Шуҳрат” ордени билан ҳамда “Халқ маорифи аълочиси” унвони билан тақдирланган.
Шуҳрат ҲУСАЙН.
(“Самаркандский вестник”дан
Пўлат ҒАФФОРОВ таржимаси).
