КАННАБИОИДЛАРГА ТОБЕЛИК –
умр заволи
умр заволи
Гиёҳванд моддаларнинг ушбу гуруҳига наша ўсимлигидан олинадиган наркотик моддалар – марихуана, наша, гашиш, банг ва бошқалар киради. Наша таркибидаги ароматик алдегид тетрагидроканабинол кучли наркотик таъсирга эга бўлади. Каннабиоидлар чекилади, чайналади, ичимлик кўринишида ёки овқатга қўшиб тайёрланади. Нашани икки-уч истеъмол қилгандан кейин чекувчиларда эйфория ҳолати пайдо бўлади. Шу тариқа “наша иллюзиялари” (шовқин – ёқимли мусиқа бўлиб эшитилади) ва психосенсор ўзгаришлар (макропсия) кузатилади.
Каннабиоидлар катта миқдорда қабул қилинганда интоксикацион психозлар юзага келади. Ўсмирларда психоз ҳолатлар наркотикнинг биринчи истеъмолида ҳам кузатилиши мумкин.
Капннабиоидларни чекиш ўз навбатида оғиз ва томоқда куйиш, яллиғланишга олиб келиши мумкин. Таркибида канцероген ва заҳарли моддалар бўлган тутундан нафас олиш ўпка раки, бронхит каби касалликларга олиб келади. Каннабиоидлар истеъмоли тахикардия, гармонал ўзгаришлар, жинсий органлар функциясининг бузилишига ҳам сабаб бўлади, бепуштликка олиб келади
Бу каби хавфлардан сақланиш учун уларнинг истеъмолига мутлақо йўл қўймаслик керак.
Абдураззоқ ХОЛБОЗОРОВ,
туман Кўп тармоқли марказий поликлиниканинг
нарколог шифокори
