ОТАЛИКНИ БЕЛГИЛАШ ТАРТИБИ
Ўзбекистон Республикаси Оила кодексининг 61-моддасига кўра боланинг онаси билан никоҳда бўлмаган шахснинг оталиги ўзини боланинг отаси деб тан олган шахс ва онанинг фуқаролик ҳолати далолатномаларини қайд қилиш органига биргаликда топширган аризасига биноан белгиланади.
Яьни бу холатда боланинг никохда бўлмаган ота-онаси ўртасида оталик белгиланиши хақида хеч қандай низо мавжуд бўлмайди ва ФХДЁ органига ариза биргаликда топширилиши натижасида болага оталик белгиланади.
Оталикнинг суд тартибида белгиланиши эса бутунлай бошқача тартибда амалга оширилади.Бунда боланинг онаси томонидан ёки васий, хомийлар томонидан агарда бола вояга етган бўлса унинг ўзи томонидан судларга берилган аризага кўра оталик белгиланиши мумкин.
Оталикни белгиланаётганда суд боланинг онаси бола туғилишига қадар жавобгар билан бирга яшаганлиги ва умумий рўзғор юритганлиги ёки улар болани биргаликда тарбиялаганликлари ёхуд таъминлаб турганликларини ёки жавобгарнинг оталикни тан олганлигини аниқ тасдиқловчи бошқа далилларни эътиборга олади.
Боланинг онаси билан никоҳда бўлмаган, лекин ўзини боланинг отаси деб тан олган шахс вафот этган тақдирда унинг оталик факти суд томонидан белгиланиши мумкин.
Оталикни белгилаш тўғрисидаги суднинг ҳал қилув қарори қонуний кучга киргандан кейин суд шу қарор нусхасини бола туғилганлиги рўйхатга олинган жойдаги фуқаролик ҳолати далолатномаларини қайд этиш органига юборади.
Ғ.ЯКУБОВ,
Булунғур туман адлия бўлими бошлиғи
