ТАЪТИЛ ДАВРИДА ТАЪЛИМ-ТАРБИЯ ЖАРАЁНИ ТЎХТАБ ҚОЛМАЙДИ
Булунғур туманидаги мактабгача таълим ташкилотлари жами 96 та бўлиб, шундан давлат мактабгача таълим ташкилотлари 29 та, давлат хусусий шерикчилик асосидаги мактабгача таълим ташкилоти 4 та, нодавлат мактабгача таълим ташкилот 2 та, оилавий нодавлат мактабгача таълим ташкилотлари 62 тани ташкил этади. Бугунги кунда тумандаги мактабгача ёшдаги болаларнинг 9617 нафари яъни 59 % мактабгача таълим ташкилотларига қамраб олинган.
Инсоният ўтган йилларда қанчадан-қанча синовли кунларни бошдан ўтказди. Бугун дунёни қамраб олган коронавирус инфекцияси ҳам барча давлатлар олдига, инсонлар зиммасига катта масъулият юклади. Вируснинг хавф ва зарарларини ўз вақтида тўғри баҳолаган мамлакатимиз карантин даврида амалга оширилиши зарур бўлган тадбирларни белгилаб олди. Шу ўринда Мактабгача таълим вазирлиги томонидан ҳам коронавируснинг олдини олишга доир белгиланган чораларга мувофиқ жорий йил 16 мартдан мамлакатимиздаги барча турдаги МТТ фаолияти вақтинча тўхтатилди. Барча турдаги давлат мактабгача таълим ташкилотларида дезинфекция тадбирлари амалга оширилди.
Шу давр мобайнида Фарзандларимизга таълим-тарбия беришда узилиш бўлмаслиги кераклиги инобатга олиниб мактабгача ёшдаги болаларнинг билим олишлари ҳамда бўш вақтини мазмунли ўтказишлари учун мактабгача таълим ташкилотлари тарбияланувчиларига ҳам масофадан таълим-тарбия олишлари жорий этилди. Шу мақсадда Ўзбекистон Республикаси Мактабгача таълим вазирлиги ҳам бир қатор лойиҳаларни амалга оширди. Жумладан, болаларга сифатли ва самарали таълим беришда ота-оналарга кўмак бериш мақсадида “Робоборик билан ўқувчи бўл!” онлайн курсидан бепул фойдаланиш имкони тақдим этилди. Ўзбекистон Миллий телерадиокомпанияси ёрдамида “Онлайн болалар боғчаси” дастури йўлга қўйилди. Дастур “Илк қадам” ва “Ақлвой” таълим лойиҳаларини қамраб олган.
Карантин эълон қилинган кундан бошлаб тумандаги МТТ тарбияланаётган тарбияланувчиларга онлайн ва масофавий таълим-тарбия бериш учун туман мактабгача таълим бўлими ва МТТ да ота-оналар билан ҳамкорликдаги “Ота-оналар ва педагоглар” телеграмм гуруҳлари ташкил этилди. Бунинг учун мактабгача таълим вазирлигининг аввалдан ташкил этилган электрон таълим порталидаги мавжуд ўқув ва машғулот материаллари базасидан фойдаланиб келинмоқда.Тарбиячилар ота-оналар билан мунтазам боғланиб мулоқотда бўлишиб масофадан топшириқларни бериб ва уларга ҳафта мавзулари асосида болажонлар билимини мустаҳкамлаш борасида тушунчалар бериб боришаяпти.
Бундан ташқари тарбияланувчилар “Болажон” каналидаги машғулотларни мунтазам равишда кўриб боришмоқда. Дастурлар “Илк қадам” давлат ўқув дастурига мувофиқ ташкил этилганлиги туфайли болалар ўзлаштиришда қийналишмаяптилар ва ҳар бир машғулотни қизиқиш билан кутмоқдалар.Бугунги синовли даврда, туман мактабгача таълим бўлими ҳам карантин қоидаларига тўлиқ амал қилган ҳолда иш олиб бормоқда. Тарбияланувчиларни барчаси карантин давомида ўз уйларида қолиши, қоидаларга қатъий амал қилишлари боробарида масофавий таълим жараёнларида фаол бўлиш, тақдим этилаётган машғулотлар билан танишиш ва ўзлаштириб бориш, берилаётган машғулотларни ўз вақтида бажаришлари бўйича бўлим мудири ўринбосари Д.Ахмедов томонидан онлайн тарздаги ота-оналар ҳамкорлигидаги тизими жорий этилган. Бунда бўлимдаги таълим-тарбия сифатини таъминлаш ва методик хизматни ташкил этиш шўъбаси мутахассислари Ш.Саттарова, Н.Исмоилова, С.Синдаров, болалар хавфсизлиги ва соғлом овқатлантиришни таъминлаш шўъбаси мутахассиси М.Бўроновалар томонидан тегишли кўрсатмалар ва тавсиялар мунтазам бериб бориш билан бирга тарбияланувчилар ўртасида онлайн тарзда турли хил кўрик-танловлар ҳам ўтказиб келинмоқда.
Бундан ташқари 9-МТТ мудираси Л.Бердиева, 17-МТТ мудираси Ф.Эшбекова, 4-МТТ мудираси О.Шертоева. 27-МТТ мудираси Д.Норқуловалар ва тарбиячилардан Турабова Раъно, Алламуродова Шахноза, Норбоева Ўғилой, Умарова Шарофат, Уришева Севара, Агалиева Наймен, Ўролова Улбўсин ва Жўраева Шахнозалар МТТ ларнинг методист, педагог, дефектолог ҳамда тарбиячилари ҳам кунлик режа асосида онлайн машғулотлар ўтмоқда. Бу вазиятда болаларнинг ота-оналари билан ҳам кўпроқ мулоқот қилиш имкони бўлади. Таълим-тарбия сифатини баҳолашда ота-оналар ҳам фикрларини билдирмоқда. Болажонлар билан якка ишлаш амалиёти уларнинг яхши ривожланишига кўмак беради. МТТ ҳамширалари томонидан ҳар куни болалар билан онлайн мулоқотда шахсий гигиенага риоя қилиш, қўлларини тез-тез совунлаб ювишни уқтирилаяпти. Қолаверса, тарбияланувчиларни ота-оналари билан боғланиб уларнинг ҳолидан мунтазам хабар олиб турилибди. Ҳолат юзасидан вилоят мактабгача таълим бошқармаси штабига кунлик ахборот тақдим этилмоқда.Туман мактабгача таълим бўлими томонидан ҳар бир МТТ учун алоҳида телеграмм гуруҳлари ва каналлари ташкил этилган бўлиб, улар орқали тарбияланувчиларни ҳар кунги аҳволи ва саломатлиги бўйича бўлим штабига масофадан кунлик ҳисоботлар тақдим этилмоқда. Телеграмм гуруҳларида асосан туман мактабгача таълим бўлими мутахассисларини МТТ мудиралари ва ҳамшираларини тавсия маълумотлари жойлаштириб борилмоқда.
Тарбияланувчилар учун ҳар бир МТТ кесимида биттадан жами 22 та телеграмм гуруҳи ташкил этилиб масофавий таълим-тарбия гуруҳлари тузилиб мазкур гуруҳлар орқали педагог ва тарбиячилар болалар билан кундалик мулоқоти йўлга қўйилган.
Бу каби амалга оширилаётган ишлар тарбияланувчиларга ҳар бир машғулот ва мавзу билан танишиш, машғулот турига қараб олдиндан тайёргарлик кўриш, мавзу юзасидан туғилажак саволларни олдиндан тайёрлаш ҳамда мустақил ўқиш кўникмасини болажонларда шакллантириш имконини яратмоқда.
Шунингдек, МТТ ларда таълим олаётган 6 ёшдан юқори тарбияланувчилар учун алоҳида онлайн машғулотлар ўтказилмоқда. Хусусан, улар учун алоҳида телеграмм канали очилган бўлиб, кунлик, ҳафталик ва ойлик иш режалар мавзуси ишлаб чиқилган. Айни пайтда “Менинг жонажон Ўзбекистоним”. “Менинг шаҳрим – менинг маҳаллам”, “Мен ва менинг оилам”, “Мен ва менинг дўстларим”, “Коронавирусни биргаликда енгамиз” каби мавзулар ўрин олган. Ундан ташқари МТТ лардаги тарбияланувчилар телеграмм “Кичик гуруҳ”, “Ўрта гуруҳ”. “Катта гуруҳ” ва “тайёрлов гуруҳ” ларга ажратилган бўлиб, ҳар бир гуруҳ учун тематик мавзулар режаси ишлаб чиқилган. Онлайн машғулотларни нафақат тарбиячи мутахассислар балки боғча мудиралари ҳам қизиқарли қилиб ўтказишмоқда. Бу эса ўз ўрнида боғча тарбияланувчилари ота-оналарига миннатдорчилигига сабаб бўлмоқда. Улар ўз миннатдорчиликлари телеграмм каналига узатилмоқда.
Хуллас туман МТТ жамоаси карантин вақтида ҳам ҳар бир дақиқани ғанимат билиб, ёшларимизга таълим-тарбия бериш ишларини асло тўхтатгани йўқ.
Умида ГЎБАЕВА,
Булунғур туман МТБ мудираси
Булунғур туман МТБ мудираси
