ПУЛ ҚАЙТАРИБ БЕРИЛДИ
Небўса МФЙда истиқомат қилувчи Манзура Маматқулова “Буюм бозори” ёнидаги “Feruza” келинлар либоси салонидан 1 200 000 (бир миллион икки юз минг ) сўмлик келин кўйлак танлаган. Олдиндан 500 000 ( беш юз минг ) сўм берган. У салон эгаси билан янги кўйлак беришига келишган. Аммо салон эгаси келишувни бузган. Сотувчи фуқаро М.Маматқулова танлаган келин либосини бошқа харидорга берган ва фуқаро М.Маматқуловага 1 200 000 (бир миллион икки юз минг ) сўмга бошқа либос беришини айтган. Орадан бироз вақт ўтиб М.Маматқулова салонга келганда, салон эгаси яна келишувни бузган. Яъни, М.Маматқулова либос учун яна 800 000 (саккиз юз минг ) сўм беришини айтган. Шундан сўнг М.Маматқулова бошқа салондан келин либосини олишини ва олдиндан берилган 500 000 (беш юз минг ) сўмни келишув бузилгани учун қайтариб беришини сўраган. Салон эгаси қайтариб бермаслигин айтгач, фуқаро М.Маматқулова шу масалада туман ИҲҲҚЖ ижро аппаратига мурожаат қилади. ИҲҲҚЖ ижро аппарати ходимлари, салон эгаси ва фуқаро М.Маматқулова билан биргаликда масалани ўрганиб чиқди. Ўрганиш натижасида олдиндан олинган 500 000 (беш юз минг ) сўм фуқаро М.Маматқуловага қайтариб берилди. Бундан мамнун бўлган М.Маматқулова ИҲҲҚЖ ижро аппаратига ўз миннатдорчилигини билдирди.
