Совуқ кунлар бошланиши билан иссиқликка бўлган эҳтиёж кучайиши табиий. Бу эса ўз навбатида қишнинг табиий газ босимини назорат қилишдан чалғитади. Ўз вақтида эътибор қаратилмаган қоида «арзимас» туюлсада, кейинги пушаймонга асос бўлади. Бу ҳолат ёнғин келтириб чиқарувчи асосий сабаблардан бири бўлиб ҳисобланади. Лекин, ўзингизга маълумки, бу пушаймонлик инсоннинг ўзига душманликдир.
Жорий йилнинг ҳозирги кунига қадар туманимиз худудида 42 та ёнғин содир бўлган. Ёнғинларнинг асосий қисми аҳоли яшаш уйларида содир бўлиб, унинг келиб чиқиш сабаблари иситиш печларининг тутун тортиш йўлларининг носозлигидан, хўжалик электр симларини қоида асосида монтаж қилмасликдан, газ ускуналаридан нотўғри фойдаланишдан, ёш болаларнинг олов билан ўйнаши ва бошқа сабаблардан келиб чиқмоқда.
Ҳурматли фукаролар янги йил байрамида албатта арчасиз тасаввур этолмаймиз шунинг учун арча безаш вактида қуйидаги қоидаларга риоя этишимиз шарт. хар хил электр гирляндлардан фойдаланмаслик, безатилган арчага турли хилдаги пахта махсулотлар ва матохлардан ясалган ўйинчоқларни осмаслик, вақтинчалик ўтказилган электр симлардан фойдамаслик, носоз электр розеткаларга ўрнатмаслик.
Корхона ва муассасалар раҳбарларига янги йил арчаси ўрнатилган хонанинг кириш ва чиқиш эшиклари очиқ бўлиши ва бинонинг ҳовлисига ўрнатилиши, арча байрами кунлари навбатчилик ташкил этилиши ва арча ўрнатилган хона бирламчи ёнғин ўчириш анжомлари билан таъминланиши, пиротехника воситаларидан, очиқ оловдан фойдаланишига йўл қўймаслик, хонада электр таъминотини “Электр ускуналарини ўрнатиш” қоидалари талаблари асосида ўрнатиш, ёнғин ўчиришга мўлжалланган сув ҳавзалари, ички ёнғин ўчириш кранлари созлиги ва бирламчи енг ва дастаклар билан таъминланган бўлишига, ёнғин ўчириш автомобиллари бориш йўлларининг мавжудлиги ва созлигига, телефон алоқасини мавжудлиги ва созлигига, биноларининг ёғоч қисмлари кимёвий суюқлик билан қайта ишланган бўлишига алоҳида эътибор қаратилиши ва бошқа ёнғинга қарши тадбирлар амалга оширилган бўлиши керак.
Янги йил арчасини ўрнатишда юқорида кўрсатиб ўтилган ёнғин хавфсизлиги қоидаларига риоя қилсак содир бўлиши мумкин бўлган кўнгилсиз ҳодисаларнинг олдини олган бўламиз.
Дилмурод ДЖАББАРОВ,
туман ФВБ бошлиғи, капитан.
