Бугун навбатдаги сайёр туманимиздаги “Нуроний” жамғармаси биносида бўлиб ўтди. Унда фуқаролик ишлари бўйича Жомбой туманлараро судининг раиси Жамшид Файзуллаев, Булунғур туман ҳокими ўринбосари, Оила ва хотин-қизлар бўлими бошлиғи Насиба Мамадиярова ва туман “Нуроний” жамғармаси раиси Очил Ахмедовлар ҳамда маҳалла фаоллари ва бир гуруҳ фуқаролари иштирок этишди.
Сайёр суд жараёнида фуқаро Анорхол Халматованинг дастлаб пенсияга чиқиш учун фамилияси иш ҳақи маълумотномасида нотўғри ёзилгани тўсиқ бўлаётганлиги тўғрисида қилган мурожаати кўриб чиқилди. Ва суд қарори билан фамилияси тўғриланди, энди фуқарога пенсияга чиқиши учун имконият яратилди.Шундан сўнг турли хил мурожаатлар билан ташриф буюрган фуқароларнинг мурожаатлари кўриб чиқилди. Ажрим ёқасига келиб қолган оила аъзоларини яраштириш чоралари кўрилди. Уларга маслаҳат ва ҳуқуқий тушунчалар берилди.
Ж.ФАЙЗУЛЛАЕВ,
Фуқаролик ишлари бўйича Жомбой туманлараро судининг раиси.
