Маълумки, Ўзбекистон Республикаси Вазирлар Маҳкамасининг 2019 йил 26 мартдаги “Ички ишлар органлари профилактика (катта) инспекторларининг жамоат тартибини сақлаш бўйича ёрдамчилари фаолиятини ташкил этиш тўғрисида”ги Қарорига асосан “Маҳалла посбони” жамоатчилик тузилмаларининг раҳбарлари лавозимлари тугатилиб, уларга иш ҳақини тўлаш ва ижтимоий қўллаб-қувватлашнинг амалдаги механизмлари сақлаб қолинган ҳолда, бўшаётган штат бирликлари ҳисобидан профилактика (катта) инспекторларининг жамоат тартибини сақлаш бўйича ёрдамчилари (кейинги ўринларда профилактика инспекторларининг ёрдамчилари деб аталади) лавозимлари жорий этилганлиги ҳамда уларга ҳуқуқбузарликлар профилактикаси соҳасида ички ишлар органларига амалий ёрдам кўрсатиш учун шахсий жавобгарлик юклатилди.
Ҳуқуқбузарликлар профилактикаси ва жиноятчиликка қарши курашишга муносиб ҳисса қўшган профилактика инспекторларининг ёрдамчиларига ҳуқуқбузарликлар профилактикаси бош бошқармаси бошлиғининг тавсиясига асосан ички ишлар органларининг олий таълим муассасаларига, шу жумладан касбий тайёргарлик факультетига квота асосида ўқишга кириш ҳуқуқи берилди.
Профилактика (катта) инспекторларининг жамоат тартибини сақлаш бўйича ёрдамчилари фаолиятини ташкил этиш тартиби тўғрисидаги низом бўйича вояга етмаганлар ва ёшларнинг ҳуқуқий маданиятини ошириш, фуқаролардан содир этилаётган ҳар қандай ҳуқуқбузарликларни тўхтатишни талаб қилиш асосий вазифалари ва функцияларига киради. Профилактика инспекторлари ёрдамчилари 18 ёшдан 30 ёшгача бўлган, ҳарбий хизматни ўтаганлар орасидан танлаб олинади. Улар “Маҳалла посбони” аъзолари, “Фидокор ёшлар” гуруҳлари ва “Жамоатчилик назорати масканлари” фаолиятига раҳбарлик қилади.
Қарорга кўра юкланган вазифаларни бажаришда фаол, ўзлари фаолият юритаётган ҳудудда ҳуқуқбузарликларнинг олдини олишда намуна кўрсатган ва содир этилган жиноятлар сони нисбатан кам бўлган тақдирда, профилактика инспекторларининг ёрдамчиларёки уларнинг ота-оналарига белгиланган тартибда ички туристик йўналишларга ҳамда саломатлигини тиклаш мақсадида соғломлаштириш муассасаларига Ўзбекистон Республикаси Ички ишлар вазирлигининг бюджетдан ташқари маблағлари ҳисобидан йўлланмалар берилади.
Туман ИИБ тизимида фаолият олиб бораётган 34 нафар профилактика инспекторлари ёрдамчилари вазифасига маҳалла ҳудудларида истиқомат қилаётган ёшлардан ҳарбий хизматни ўтаб қайтган, билимли, шижоатли, ғайратли йигитлар танлов асосида танлаб олинди. Ҳозирда улар ўз иш фаолиятлари биланшуғулланишмоқда. Инспекторлар ёрдамчилари ўз ҳудудларида осойишталикни таъминлаш, аҳоли, айниқса ёшлар орасида ҳуқуқбузарликларнинг барвақт олдини олиш борасида уларга ҳуқуқий тушунча бериш ва жойлардаги фидойи ёшлар билан биргаликда “Жамоатчилик натзорати масканлари” фаолиятини жонлантириш каби юмушларни бажаришга киришганлар.
Бардошбек СОЛИЕВ,
туман ИИБ кадрлар гуруҳи катта инспектори,
катта лейтенант.
