Вилоятимиз остонаси бўлган “Юқори нуқта”дан Самарқанд - Тошкент катта автомагистрал йўли кесиб ўтган.
- Ана шу жой ўзининг гўзал табиати, тоза, ҳузурбахш ҳавоси билан қанчадан-қанча йўловчиларга ҳузур бағишлаган бўлишига қарамасдан бу жой бугунги кунда сал эътибордан четда қолаяпти, - дейди Ғўбдин МФЙ фуқароси, Қоровултепа қишлоғи жонкуярларидан бири, 70 ёшли Ҳазратқул бобо. - Катта йўлнинг икки чеккасига экилган манзарали дарахтлар, арчалар сувсизликдан, мутассаддиларнинг эътиборсизлигидан қуриб қолган. Ички йўллар таъмирталаб. Устига устак пала-партиш ташланган чиқиндилардан таралаётган “бадбўй” ҳидлардан бош айланади. Қишлоғимизга, туманимизга, вилоятимизга кириб келаётган меҳмонлардан хижолатдамиз...
Автомагистралдан қишлоғимиз марказигача бўлган 7 километрлик асфальт йўлдаги ўнқир-чўнқурликлар қачон таъмирланади? Қишлоқ ободончилигига эътибор шуми? Раббим ҲОТАМОВ.
