Яқинда туманимиз ойнаси бўлган “Булунғур ҳаёти” газетаси (2022 йил 21 июнь, 17-сони)да “Дўстимни излаб топдим...” сарлавҳали мақолани ўқиб ўйланиб қолдим... Бундан эллик йил олдин ҳарбий хизматни бирга ўтаган жонажон дўстини Пастдарғом туманидан излаб келган Бўрибой акага қойил қолдим. Ана сизга меҳр-оқибат, ана сизга қадрдонлик...
Шуларни ўйлаб, ёшлигимизда бирга ўйнаб катта бўлган дўстимиз, тоғамиз, амакимиз Ҳамроқул акани эсга олдик.
- Бундан 35 йил олдин қир-адирлардан иборат бўлган Хўжамазгил қишлоғининг қишда лой, ёзда чанг-тупроқ кўчаларини чангитиб ўйнаб, улғайиб вояга етганимизда Ҳамроқул акамизнинг оиласи турмуш тақозаси билан биздан анча олис бўлган Каттақишлоқ-1 маҳалласининг Мирзабоши қишлоғига кўчиб кетган эди, - дейди қадрдонлардан бири Ўроқбой Довуров. - Мақола таъсири бизни йўлга чорлади. Жаннатмонанд қишлоқда Ҳамроқул ака билан қучоқ очиб, дийдорлашиб кўришдик.
- Қишлоқ чойхонасида бир пиёла чой устида мирқиб ширин суҳбат қурдик, - дейди оқсоқол Абдумалик Хўжамуродов. - Ёшлик давримизни эсладик.
Шуларни ўйлаб, ёшлигимизда бирга ўйнаб катта бўлган дўстимиз, тоғамиз, амакимиз Ҳамроқул акани эсга олдик.
- Бундан 35 йил олдин қир-адирлардан иборат бўлган Хўжамазгил қишлоғининг қишда лой, ёзда чанг-тупроқ кўчаларини чангитиб ўйнаб, улғайиб вояга етганимизда Ҳамроқул акамизнинг оиласи турмуш тақозаси билан биздан анча олис бўлган Каттақишлоқ-1 маҳалласининг Мирзабоши қишлоғига кўчиб кетган эди, - дейди қадрдонлардан бири Ўроқбой Довуров. - Мақола таъсири бизни йўлга чорлади. Жаннатмонанд қишлоқда Ҳамроқул ака билан қучоқ очиб, дийдорлашиб кўришдик.
- Қишлоқ чойхонасида бир пиёла чой устида мирқиб ширин суҳбат қурдик, - дейди оқсоқол Абдумалик Хўжамуродов. - Ёшлик давримизни эсладик.
- Бизлар Ҳамроқул аканинг дўсти, тоғаси амакиси бўламиз, - дейди меҳмонлардан бири Улуғбек Товбоев пиёладаги чойни ҳўплар экан. – Ёшлик давримизда Ҳамроқул ака бизларни орқасидан эргаштириб юрар эди. Бу ерга келишдан сал олдинроқ бир танишим Ҳамроқул аканинг “Булунғур ҳаёти” газетасида босилган шеърларини ўқиб берди. Э, ҳа. Ака шоир бўлиб кетибдилар-ку...
Ҳамроқул ака билан суҳбат давомида қалбларимиз қувончга тўлди. Ўтган-кетганларни ёд олиб, ҳаққига дуо қилдик. Бунинг ҳаммасига газетанинг кучи сабаб бўлди...
Қадрдонлар суҳбат давомида бундан буён тез-тез дийдорлашиб, кўришиб туришни келишиб олишди. Меҳмонлар фурсатдан фодаланиб “Булунғур ҳаёти” газетасининг ижодий ходимларига ўз миннатдорчиликларини билдирдилар.
Қадрдонлар суҳбат давомида бундан буён тез-тез дийдорлашиб, кўришиб туришни келишиб олишди. Меҳмонлар фурсатдан фодаланиб “Булунғур ҳаёти” газетасининг ижодий ходимларига ўз миннатдорчиликларини билдирдилар.
Раббим ҲОТАМОВ.
