Килдон ММТПга қарашли “Хидиров Эркин Дўстлик даласи” фермер хўжалигидаги 10 гектар майдонга экилган “Краснодар” навли ғалла майсаларининг ривожи мўл ҳосилдан дарак бермоқда.
– Ғаллазорни маҳаллий ўғит билан шарбат усулида суғорганимиздан сўнг майсалар ривожи авж олиб кетди, - дейди хўжалик раиси Эркин Хидиров. – Айниқса гуркираб ўсаётган ғалла майсалари “чилла суви”га қондирилганлиги айни муддао бўлди. Ўтган йили давлат қабул пунктларига 5 гектар майдондан режадаги 17,6 ўрнига 18,5 тонна ғалла етказиб бериб, бу борадаги режани ортиғи билан уддалаган эдик. Жорий йилда хўжалигимиз кенгайганлиги сабабли 10 гектар суғориладиган майдонда ғалла майсаларини парваришлаяпмиз. 6 нафар ишчиларимизнинг самарали меҳнатлари эвазига кундан-кунга ривожланиб бораётган ғалла майсалари мўл ҳосилдан дарак бермоқда.
Раббим ҲОТАМОВ.
Суратда: фермер хўжалиги раиси Эркин Хидиров бўлиқ майсаларни кўздан кечирмоқда.
