“Чўянтепа” массивида туманда узумчиликни ривожлантириш истиқболларига бағишланган семинар бўлиб ўтди. Семинарда бу соҳани давр талабларига мос тарзда йўлга қўйишда нималарга эътибор қаратилиши юзасидан аниқ вазифалар белгилаб олинди.
Туманимизда бугунги кунда фермерлар ва қишлоқ жўжалиги корхоналарида жами 2562 гектар узумзор мавжуд. Шундан 1360 гектар саноатбоп, 216 гектар хўраки, 1000 гектар майизбоп кишмиш узумзорлар мавжуд. Ушбу узумзорлардан 1887 гектари ҳосилли, 675 гектари сўнгги 2 йил ичида экилган.
Ўтган йилнинг хос даврига нисбатан 2021 йилнинг фақат баҳор ойларида 313 гектар янги майизбоп кишмиш узумзорлар барпо этилди. Бу кўрсаткич ўтган 2020 йил баҳор ойларида 124 гектар бўлган. 2019 йилда майизбоп узумчиликка ихтисослашган “Чўянтепа чорбоғ саховати” ишлаб чиқариш кооперацияси ташкил этилиб, 654 гектар майизбоп кишмиш узумзорлар аҳолига 0.25 - 0.50 гектардан ажратиб берилиб, аҳолининг бандлиги таминланди. Ҳозирги кунда ушбу майдонлардан ҳар бир гектардан 10-12 тонна ҳосил олиниб, 3-4 тоннадан соф экспортбоп майиз ишлаб чиқарилмоқда.
2021 йилда “Зарафшон” массивида кишмишбоп майиз етиштиришга ихтисослашган 3 та янги кооперация ташкил этилиб,”Ёшлар дафтари” да турган ишсиз ёшларга 0.50 гектардан ажратиб берилди ва лалми майдонларга сув чиқарилиб, 126 гектар узумзорлар ташкил этилди.
2021 йилнинг кузи, 2022 йилнинг баҳор ойларида 3044 гектар ғалладан бўшаган майдонлар ҳисобидан янги узумзорлар ташкил этиш лойиҳаси бўйича 550 гектар саноатбоп ва 2495 гектар майизбоп кишмиш узумзорлар ташкил этиш режалаштирилди.Аббос ЖАББАРОВ.
