Cамарқанд халқаро аэропортида божхоначилар томонидан тилладан ясалган заргарлик буюмларини ноқонуний олиб ўтишга бўлган уринишлар ўз вақтида бартараф этилмоқда.
Хусусан, “Домодедово-Самарқанд” йўналиши билан учиб келган йўловчи Н.Д.нинг хатти-ҳаракатлари божхона ходимлари эътиборини тортди. Унинг қўл ва багаж сумкалари божхона назоратидан ўтказилганида, божхона назоратидан яширилган ва жисмоний шахслар томонидан божсиз олиб ўтиш меъёридан ортиқ бўлган умумий қиймати 46 млн. сўмга тенг бўлган 123,3 гр. тилладан ясалган заргарлик буюмлари борлиги аниқланган.
Шунингдек, яна бир ҳолатда “Истанбул-Самарқанд” йўналиши билан учиб келган йўловчи А.Д.нинг қўл юклари божхона назоратидан ўтказилганида, йўловчи божхона декларациясида кўрсатилмаган ва ўзига тегишли бўлмаган қиймати 20 млн. сўмлик 48,96 гр. тилладан ясалган заргарлик буюмлари борлиги аниқланди.
Ҳар иккала ҳолатда ҳам божхоначилар томонидан уддабурон шахсларнинг қилмишлари фош этилиб, тегишли процессуал ҳужжатлар расмийлаштирилган.
Самарқанд вилояти божхона бошқармаси
Ахборот хизмати
Ахборот хизмати
