Ҳар йили машҳур ҳикоянавис адиб Ҳанс Кристиан Андерсеннинг туғилган куни – 2 апрелда Халқаро болалар китоби куни дунё бўйлаб нишонланади. Ушбу байрам 1967 йилда Ёшлар китоблари халқаро кенгаши (IBBY) ташаббуси ва қарори билан жорий этилган.
Кенгаш ушбу кун орқали болаларнинг китоб ўқишга бўлган қизиқишини яхшилаш, янги авлод маънавий ва интеллектуал қиёфасини шакллантиришда болалар китобининг ролини оширишни тарғиб қилади. Шунингдек, байрамнинг мақсадларидан бири болалар адабиёти, китоб санъати ва маданиятини ривожлантириш ҳамда болалар китобхонлиги борасидаги мавжуд муаммоларга дунё ҳамжамияти эътиборини қаратишдан иборат.
Булунғур туман халқ таълими бўлимига қарашли 2-умумий ўрта таълим мактабида “2 апрел Халқаро болалар китоби куни” ҳамда Ўзбекистон Республикаси Президентининг 2019 йил 19 мартдаги “Ёшлар маънавиятини юксалтириш ва уларнинг бўш вақтини мазмунли ўтказиш тўғрисида”ги 4-ташаббус - “Ёшлар маънавиятини юксалтириш, улар ўртасида китобхонликни кенг тарғиб қилиш бўйича тизимли ишларини ташкил этиш” мақсадида маънавий-маърифий тадбир, давра суҳбати ўтказилди. Тадбирда “Килдон” жоъме масжиди имом-хатиби Толиб Маматқулов, “Сайилтепа” маҳалла фуқаролар йиғини раиси Усмон Саттаров ва мактабнинг битирувчи ўқувчилари фаол ота-оналар ва ўқитувчилар иштирок этди.
“Килдон” жоъме масжиди имом-хатиби Толиб Маматқулов, “Сайилтепа” маҳалла фуқаролар йиғини раиси Усмон Саттаров ва мактабнинг битирувчи ўқувчилари фаол ота-оналар ва ўқитувчилар томонидан мактаб кутубхонаси фондини бойитиш мақсадида 200 дан ортиқ бадиий китоблар совға қилинди.
