1 декабрь - “Халқаро ОИТСга қарши курашиш куни” муносабати билан туманимиз ёшларининг бу иллатга қарши саъй-ҳаракатларини қўллаб-қувватлаш мақсадида туман ҳокимлигининг ташаббуси билан ёшлар ўртасида “Мен ОИВ профилактикаси тарафдориман” шиори остида узоқ масофага югуриш бўйича марафон ўтказилди.
Марафонда тумандаги барча касб-ҳунар коллежлари ўқувчилари, Ўзбекистон Ёшлар иттифоқи туман бошланғич ташкилоти етакчилари, туман Болалар ва ўсмирлар спорт мактаби тарбияланувчилари, барча МФЙлардаги уюшмаган ёшлар билан биргаликда корхона ва ташкилотларнинг раҳбарлари ва ходимлари иштирок этишди.
Жами 750 нафардан ортиқ марафончиларга қишлоқ хўжалик касб-ҳунар коллежидан старт берилиб, “Мингчинор” МФЙ ҳудудидаги финишда кутиб олинди.
Маррага биринчи бўлиб Қишлоқ хўжалик касб-ҳунар коллежининг механизация йўналиши бўйича таълим олаётган 3-босқич ўқувчиси Шаҳзод Жониқулов етиб келди.
Хотин-қизлар ўртасида Маиший хизмат касб-ҳунар коллежининг информатика йўналиши бўйича таълим олаётган 2-босқич ўқувчиси Мухлиса Раупова биринчи ўринни эгаллади.
Ғолибларга ва марафон иштирокчиларига ташкилотчиларнинг эсдалик совғаларини туман ҳокимининг Ёшлар билан ишлаш бўйича ўринбосари Бекзод Иьчиев топширди.
Раббим ҲОТАМОВ.
