“Фаол тадбиркорлик, инновацион ғоялар ва технологияларни қўллаб-қувватлаш йили” Дастури асосида касб-ҳунар коллежлари ўқувчи-ёшлари ўртасида инновацион ғояларни кенг тарғиб қилиш, илғор технологияларни ҳаётга кенг қўллаш бўйича ЎзЛиДЕП туман Кенгаши ташаббуси билан Қишлоқ хўжалик касб-ҳунар коллежида “Ёш инновациячи” кўрик-танловининг туман босқичи ўтказилди. 11та лойиҳа бўйича намойиш этилган кўрик-танловда туманимизнинг Қишлоқ хўжалик, Маиший хизмат ва Саноат касб-ҳунар коллежлари ўқувчилари фаол иштирок этишди.
Кўрик-танловда туманимизнинг Қишлоқ хўжалик касб-ҳунар коллежи ўқувчиси Равшан Сайдаҳмедовнинг қишлоқ хўжалигида қўлланиладиган “Гидрорум” қурилмаси, Маиший хизмат касб-ҳунар коллежи ўқувчиси Нурмуҳаммад Файзуллаевнинг ловия ва маккажўхори каби дуккакли экинларни экишда қўл келадиган уруғ экиш мосламаси, Саноат касб-ҳунар коллежи ўқувчилари Озода Абдусаидова, Ситора Мажидова ва Ирода Йўлдошеваларнинг маиший хизмат соҳасида фойдаланадиган оёқ буюмларини тозалаш мосламалари ҳайъат аъзолари томонидан юқори баҳоланиб, уларга кўрик-танловнинг вилоят босқичида иштирок этишлари учун йўлланмалар берилди.
Акмал ТЎРАЕВ,
ЎзЛиДеП туман Кенгаши
аппарати раҳбари.
