Туманимиздаги Мудофаага кўмаклашувчи Ватанпарвар ташкилоти ўқув спорт техника клуби умумтаълим мактаблари юқори синф ўқувчиларини ҳарбий ватанпарварлик руҳида тарбиялашда ҳиссалари катта бўлмоқда. Ушбу ташкилот ўқув даргоҳлари билан ҳамкорликни яхши йўлга қўйишган.
Бугун, 22 сентябрь куни Ўзбекистон Республикаси Мудофаага кўмаклашувчи Ватанпарвар ташкилоти Булунғур туман ўқув спорт техника клубида туманимиздаги 55-умумтаълим мактабининг юқори синф ўқувчилари билан давра суҳбати бўлиб ўтди.
Ўтказилган давра суҳбатида клубнинг бош мутахассиси Н. Хидирова сўзга чиқиб, Ўзбекистон Республикаси Президентининг 2018 йил 12 декабрдаги ПҚ-4051-сонли қарори билан тасдиқланган ҳамда вилоят ҳокимлигининг 750-Қ-сонли қарори “Ёшларни ҳарбий ватанпарварлик руҳида тарбиялаш ҳамда чақирилувчиларни ҳарбий техник мутахассисликлар бўйича тайёрлаш тартибини такомиллаштириш тўғрисида”ги қарори мазмун-моҳияти ва ташкилотда олиб борилаётган ишлар юзасидан тушунчалар берди. Давра суҳбати ўзига хос қизиқарли тарзда савол-жавобларга бой бўлди. Берилган барча саволларга мутахассислар томонидан тўлиқ ва атрофлича жавоблар қайтарилди.
