Коронавируснинг янги штамми кўплаб учраётганлиги, шу боисдан карантин талаблари кучайтирилганлиги Махсус комиссиянинг кенгайтирилган йиғилишида маълум қилинди.
Ўзбекистон Републикасига кронавируснинг кириб келиши ва тарқалишининг олдини олиш юзасидан чора-тадбирлар дастурини тайёрлаш бўйича республика махсус комиссиясининг2021 йил 17 апрель кунидаги 69-сон йиғилиш баёни ва Ўзбекистон Республикаси Ички ишлар вазирлиги Йўл ҳаракати хавфсизлиги Бош бошқармасининг 2021 йил 17 апрель кунидаги 24/2-6178-сонли кўрсатмасининг ижросини таъминлаш ҳамда мамлакатимизда коронавирус инфекцияси тарқалишини жиловлаш, унга қарши курашиш бўйича ходимларимиз томонида назорат рейдлари олиб борилмоқда.
Айни пайтда туманимизда йўловчи ташиш фаолияти билан шуғулланувчи ҳар бир йўналишли ва йўналишсиз таксилар, автобуслар, микроавтобусларда ҳаракатланаётган ҳайдовчи ва йўловчилар томонидан карантин қоидаларига риоя этилиши, енгил турдаги такси автомобилларида ҳайдовчи ва орқа ўриндиқларни ажратиб турувчи махсус ҳимоя пардалари (плёнка) ўрнатилгани қатъий назоратга олинган. 
Шунингдек, йўналишли транспорт воситаларининг охирги бекатларида уларни мунтазам равишда дезинфекция қилиш ишлари амалга оширилмоқда. Йўл-патруль хизмати ходимлари патруль автомобилларида овоз кучайтиргич мосламалари орқали аҳоли ўртасида карантин қоидаларига риоя этишни тарғиб қилувчи аудиоёзувлар эшиттириб боришмоқда. Ҳудудий ҳар бир йўловчи ташиш фаолияти билан шуғулланувчи корхона ва ташкилотларнинг раҳбар ва ҳайдовчилари ўртасида профилактик суҳбатлар ўтказилиб Махсус комиссиянинг йиғилиш баёнининг мазмун-моҳияти тушунтирилмоқда. 
Рамазон ойи муносабати билан “Тавореҳ” намозларини масжидларнинг ҳовлисида ўқиш белгиланганлигини инобатга олган ҳолда масжидлар атрофида ҳаракат хавфсизлигини таъминлаш ва транспорт воситаларини тартибсиз қолдириб кетиш ҳолатларини олдини олиш бўйича тегишли чора-тадбирлар ҳам белгилаб олинган.
Саъдулла БОЗОРОВ,
туман ИИБ ЙҲХБ бошлиғи, катта лейтенант.
