Тобора яқинлашиб келаётган янги йилни хуш кайфият билан кутиб олиш учун кўпчилик кишилар ҳозирданоқ тайёргарлик ишларини бошлаб юборишган. Жумладан, улар хонадонларида, ташкилот ва муассасаларнинг хоналари ва кўчаларда ҳам турли хил ҳажмдаги арчаларни ўрнатишиб, ҳар хил ўйинчоқлар ва чироқлар билан безатиш ишларини амалга оширишмоқда.
Мутахассис ва ёнғин хавфсизлигига бевосита масъул шахс сифатида янги йил байрамининг кўнгилдагидек, хавф-хатарсиз ўтказилиши учун фуқароларга қуйидагиларни эслатиб ўтиш жоиз деб ҳисоблайман:
Янги йил арчаси ўрнатилган хонанинг кириш ва чиқиш эшиклари очиқ бўлиши, хона бирламчи ёнғин ўчириш анжоми билан таъминланиши, электр таъминотини “Электр ускуналарини ўрнатиш” қоидалари талаблари асосида ўрнатиш, носоз розеткалардан, ҳар хил электр гирляндлардан фойдаланмаслик, безатилган арчага турли хилдаги пахта маҳсулотлар ва матолардан ясалган ўйинчоқларни илмасликларини тавсия қиламиз. Шунингдек, янги йил арчаси ўрнатилган ташкилотлар, муассаса ва корхоналарнинг биноларига ёнғин ўчириш автомобиллари бориш йўллари мавжудлиги, ёнғин ўчиришга мўлжалланган сув ҳавзалари, ички ёнғин ўчириш кранларининг созиги ва бирламчи енг ва дастаклар билан таъминланган бўлиши, биноларнинг ёғоч қисмлари кимёвий суюқлик билан қайта ишланган бўлиши ва телефон алоқаси мавжудлигига эътибор бериш лозим.
Байрам байрамдек ўтиши учун янги йил арчасини ўрнатишда юқоридаги кўрсатиб ўтилган ёнғин хавфсизлиги қоидаларига тўлиқ амал қилиб, байрамни байрамона руҳда ўтказайлик.
Дилмурод ЖАББАРОВ,
туман ЁХБ катта инспектори, лейтенант.
