Миллий ҳунармандчилик касб-ҳунар коллежида туман ҳокимияти, прокуратура, ИЖҚКД, ДСИ, МИБ ходимларининг тадбиркорлар, тадбиркорлик фаолияти билан шуғулланиш истагида бўлган фуқаролар ва коллеж битирувчилари билан учрашуви бўлиб ўтди. Туман Давлат солиқ инспекстияси бошлиғи ўринбосариРаҳмонқул Усмонов кейинги йилларда солиқ тизимида бўлаётган ўзгаришлар, қўшимчалар, янгиликлар ва тадбиркорларга берилаётган имтиёзлар, уларга техник кўмаклашиш, интерактив хизматлар кўрсатиш ҳамда солиқ ставкаларининг бир неча фоизга камайтирилаётганлиги ҳақида гапирди. Бош прокуратура ҳузуридаги ИЖҚК Департаменти туман бўлими бошлиғи Аҳрор Мелиқулов тумандаги тадбиркорлар фаолиятига ноқонуний аралашиш, тўсқинликлар, муаммолар юзага келганда тўғридан-тўғри ёки “Ишонч телефони” орқали бемалол мурожаат қилишлари мумкинлигини таъкидлади.
- Жорий йилнинг шу пайтига қадар туманда тадбиркорлик фаолияти билан шуғулланаётган 1091 нафар тадбиркордан 142 нафари бир-икки ой ишлаб, сўнг фаолиятларини тўхтатишган. Бунинг сабабларини ўрганганимизда, аксарияти қонунан фаолиятини тўхтатган бўлса-да, аслида иш олиб борилаётганлигининг гувоҳи бўлдик. Ва ҳозиргача уларнинг 27 нафарига қонуний кўмаклашиб, қайтадан рўйхатдан ўтиб, тадбиркорлик фаолияти билан шуғулланишлари учун шароит яратиб бердик, - деди ўз сўзида А. Мелиқулов.
Учрашув сўнгида иштирокчилар томонидан берилган барча саволларга мутасаддилар томонидан батафсил жавоблар қайтарилди.
Аҳрор МЕЛИҚУЛОВ,
Ўзбекистон Республикаси Бош прокуратураси
ҳузуридаги Иқтисодий жиноятларга қарши
курашиш Департаментининг туман бўлими бошлиғи.
