Samarqand-Toshkent katta avtotrassasi kesib o‘tgan “Yangiariq” mahallasi markazi, shu hududdagi Yangiobod, Mehnatobod qishloqlarida obodonlashtirish ishlarini amalga oshirish, qiyofasini zamonaviylashtirish bo‘yicha keng qamrovli ishlar qizg‘in olib borilmoqda. Jumladan, tuman yo‘llardan foydalanish unitar korxonasi maxsus texnikalari yordamida mahalla markazi hamda Yangiobod va Mehnatobod qishloq ko‘chalardan jami 3 kilometrlik yo‘llariga asfalt yotqazildi. Irrigatsiya tizimida 1,5 kilometr masofadagi zovurlar tozalandi, 3 kilometr masofadagi ichki yo‘llarga shag‘al toshlar to‘kildi.
- Bunday keng ko‘lamdagi obodonlashtirish ishlaridan so‘ng mahallamiz markazi va qishloqlarimizning qishda loy, yozda tuproq-chang ko‘chalari biz orzu qilgan shahar ko‘chalariga o‘xshab qoldi, - deydi mahalla fuqarolaridan biri, 72 yoshli Tagmat bobo Ko‘chimov. - Qishloqlarimiz obodonchiligiga bel bog‘lab kirishgan tumanimiz hokimligi va Xalq qabulxonasi tuman bo‘limi mutassaddilari, mahallamiz oqsoqollari, faollaridan minnatdormiz.- Qishloqlarimizning oynaday tekis asfalt yo‘llarida bolalarimiz, nevaralarimiz mazza qilib o‘ynab, yayrab velosipedlarini uchirishmoqda, - deydi faxr bilan Qo‘chqor bobo Mamarajabov. - Biz orzu qilgan bugungi dorilamon kunlarda bunday ezgu ishlar biz keksalarni quvontirib yubordi.
- Kelgusida mahallamiz va qishloqlarimiz bundan-da obod bo‘ladi, - deydi “Yangiariq” MFY raisi Hasan Qayumov.- Ayni paytda zamon talablari asosida qurilgan ikki qavatli yangi maktab va bolalar bog‘chasi binolari, savdo va maishiy hizmat do‘konlari tufayli qishloqlarimiz shaharlardan qolishmaydigan chiroyli va go‘zal maskanlardan biriga aylanadi. Huududda obodonlashatirish – ko‘chalarni asfaltlash, zovurlarni tozalash, elektr tarmoqlaridagi eski yog‘och ustunlarni yangi beton ustunlarga almashtirish ishlari davom ettirilaveradi.
Sherzod NARMATOV,
O‘zbekiston Respublikasi Prezidentining Bulung‘ur tuman Xalq qabulxonasi mudiri.
O‘zbekiston Respublikasi Prezidentining Bulung‘ur tuman Xalq qabulxonasi mudiri.
