БАҒРИКЕНГЛИК ХАЛҚИМИЗГА ХОС ХИСЛАТ
Сирдарё вилояти, Сардоба туманида сув тошқини бўлганидан, Республикамизнинг турли манзилларидан инсонпарварлик ёрдами юборилаётгани, Сардоба аҳолиси бошқа манзилларга кўчирилиб жойлаштирилаётганлигидан хабарингиз бор.
Кўп қатори Булунғур туманидан ҳам инсонпарварлик ёрдами юборилмоқда. Сўнгги маълумотларга кўра туманимизга 32 нафар сирдарёлик олиб келиниб, жойлаштирилди.
Туман ҳокимлигининг телеграм ботига ҳам юртдошларимиздан турли мазмундаги мурожаатлар келиб тушмоқда. Қуйида улардан бирини эътиборингизга ҳавола қилмоқчимиз: “Салом. Мен онам номидан мурожат қиляпман. Онам “Мингтепа” махалласида ёлгиз яшайди. Ховли катта. Хоналар кўп. Сардобаликлик уй жой керак бўлса бемалол келиб хохлаганча яшаши мумкин (телефон рақами илова қилинган).
Дарҳақиқат, юртимиз бошига тушган ушбу синовли кунлар ўзбек халқининг нечоғлик бағрикенг эканлигини яна бир бор намоён этмоқда.
