Иссиқ кунларда, табиийки ҳўл мевалар ва салқин ичимликларга эҳтиёж ортади. Бу даврда озиқ-овқат маҳсулотларини истеъмол қилишда гигиеник талабларга риоя қилмаслик аҳоли ўртасида ўткир юқумли ичак касалликларининг кўпайишига сабаб бўлади.
Ўткир юқумли ичак касалликларини турли микроорганизмлар келтириб чиқаради. Қўзғатувчисининг турига қараб, касалликлар ичбуруғ, сальмонеллёз, ичтерлама каби номлар билан юритилади.
Касалликларнинг ёз ойларда кўпроқ учрашига бир қанча омиллар сабаб бўлади.
- Аввало ҳаво ҳароратининг юқори бўлиши.
- Бу инсон организмида маълум иммунобиологик ўзгаришлар, яъни ҳимоя воситаларининг кучсизланиши, касалликларга чалинишга замин ҳозирлайди.
- Бу инсон организмида маълум иммунобиологик ўзгаришлар, яъни ҳимоя воситаларининг кучсизланиши, касалликларга чалинишга замин ҳозирлайди.
Одатда ушбу касалликка:
- бозорларда ҳўл мевалар таъмини татиб кўрган вақтда,
- яхши сақланмаган ва узоқ муддат туриб қолган овқатларни истеъмол қилганда,
- ҳўл меваларни яхши ювмасдан истеъмол қилинганда,
- шу касаллик билан оғриган бемор билан мулоқатда бўлганда,
- болалар очиқ сув ҳавзаларида чўмилган пайтларда сув билан микробларнинг организмга тушиши, иссиқ вақтларда инсонларнинг қайнатилмаган сувларни жуда кўп ичишлари натижасида ошқозондаги хлорид кислотасининг концентрация пасайиб кетиши ва бунинг оқибатида касалликнинг ривожланиши учун қулай шароит яратилганда чалиниш кузатилади.
- Бундан ташқари, баъзи оналар чақалоқларга бериладиган сунъий овқатларни ортиқчасини иккинчи марта бериш учун шишаси билан қайнатилган сувга солиб қўядилар. Сутнинг илиқ ҳолатда бўлиши микробларнинг кўпайиши учун қулай шароит ҳисобланади.
- Ўткир юқумли ичак касалликларининг тарқалишида пашшалар ҳам катта роль ўйнайди. Улар ифлос жойларга тухум қўйиб, кўпайиб, касаллик қўзғатувчи микроорганизмни ўзига илаштириб олади ҳамда озиқ-овқат маҳсулотларига қўниб, уларга микробларни тарқатади.
Улуғбек ХАСАНОВ,
Булунғур туман санитария-эпидемиологик осойишталик ва жамоат саломатлоиги жамоатчилик билан ишлаш бўлими шифокори
Булунғур туман санитария-эпидемиологик осойишталик ва жамоат саломатлоиги жамоатчилик билан ишлаш бўлими шифокори
