Бугунги кунда минерал ўғитларнинг ноқонуний савдоси билан шуғулланаётган “уддабурон”лар тўғрисида кенг жамоатчиликка қатор тарғибот ишлари амалга ошириб келинишига қарамасдан, ҳанузгача бу каби қонунбузарликлар учраб турибди.
Айтиш керак, албатта бундай ҳолатлар юртимизнинг қишлоқ хўжалиги ривожида ўзининг салбий таъсирини кўрсатади. Мазкур ҳолатларнинг олдини олиш мақсадида Самарқанд вилояти божхона бошқармаси Контрабандага қарши курашиш ва божхона аудити бўлими ходимлари томонидан “Жартепа” чегара божхона пости орқали ҳаракатланаётган фуқаро А.Х. бошқарувида бўлган “Daf” русумли юк автомашинасида ҳеч қандай тегишли ҳужжатлари бўлмаган жами 34 500 000 сўмлик, оқ рангли 50 кг ҳажмли қопларда 15000 кг “Амиачная селитра” товари борлиги аниқланди.
Ҳозирда мазкур ҳолат юзасидан божхона органлари томонидан суриштирув ишлари олиб борилмоқда.
Самарқанд вилояти божхона бошқармаси
ахборот хизмати
