Маълумки республикамизнинг барча жойларида бўлгани каби туманимизда ҳам замонавий бино ва иншоотлар қурилиши жадал суръатларда олиб борилмоқда. Ушбу қурилиши мўлжалланиётган бино ва иншоотларнинг дастлабки пойдеворини қуришдан олдин бошқа бир қанча масъул идоралар қатори ёнғин хавфсизлиги бўлими ҳам олдиндан қурилиши лойиҳалаштирилаётган бино ва иншоотларнинг жойларини бориб кўздан кечириб, транспорт йўллари, электр ва газ, алоқа ва хабарлаш, ёнғинга қарши сав таъминоти тизимлари бўйича ўз хулосасини беради. Шунингдек, туманимизда ишлаб турган корхоналарда бино ва иншоотларни қайта техник жиҳозлаш, қайта қуриш, реконструкция қилиш ва шу корхоналарда янги ишлаб чиқариш жиҳозларини ўрнатиш жараёнида ҳам амалга оширилаётган ишларда ёнғин хавфсизлиги талабларига тўла жавоб берилиши кўзда тутилади.
Бу тадбирлардан кўзланган мақсад ёнғинларнинг барвақт олдини олиш, мулк хавфсизлигини таъминлаш. Зеро, белгиланган қоидаларга тўлиқ амал қилинган ҳолдагина мустаҳкам ва мукаммал бинолар қурилади. Бу эса ёнғин хавфини бартараф этиш йўлиаги дастлабки қадам бўлиб хизмат қилади.
АбдусаломРАББИМОВ,
туман ЁХБ инспектори, сержант.
