“Caravan Gardens” компанияси бош директори Ж. Абдуллаевнинг “Umid 2020” халқаро конференциясида айтиб ўтган маълумотларига мувофиқ, Ўзбекистон баргак (данаксиз туршак) етиштириш бўйича дунёда иккинчи туради.
Дарҳақиқат, кейинги йилларда республикамизда турли хил мева-узум майдонлари сезиларли даражада кенгайиб бормоқда. Етилаётган ҳосилларни боғбон-соҳибкорларимиз нес-нобуд қилмай йиғиштириб олишлари катта масъулият талаб этади, албатта.
Ёз ойида пишиб етиладиган мева навларини узоқ сақлаб бўлмайди, чунки улар кўпи билан бир ой сақланади, шунинг учун истеъмолдан ортган мевалар қуритилади. Эртанги меваларни қуритиш натижасида ўрикдан туршак, кайса, курага тайёрланади. Натижасида, пишиб етилаётган меваларнинг бир қисми истеъмолга, қайта ишлашга, яна бир қисми эса экспортга йўналтирилмоқда.
Биргина, Самарқанд вилояти тадбиркорлик субъектлари қуритилган ўрик (туршак) маҳсулотларини етиштириш, қуритиш, навларга ажратиш бўйича юқори натижаларга эришилмоқда, 2020 йилнинг 9 ойи давомида умумий қиймати 5 795,4 минг АҚШ долларлик вазни 4,5 минг тонна туршак маҳсулотлари жаҳон бозорининг турли нуқталарига экспорт қилинди. Вилоятдан туршак маҳсулотлари асосан Ироқ,Туркия, Россия, Белоруссия ва Украинага экспорт қилинган.
Маълумот тариқасида шуни айтиб ўтиш жоизки, бугун вилоятнинг 106 тага яқин корхоналари томонидан туршак маҳсулотларини экспорт қилиш йўлга қўйилган.
Самарқанд вилояти божхона бошқармаси
Ахборот хизмати
