Ўзбекистон ёшлар иттифоқи туман Кенгаши томонидан барча умумтаълим мактабларининг “Камалак” ҳамда “Иттифоқ” сардорлари ўртасида ўтказилган “Энг намунали сардорлар Кенгаши” танловида 4-умумтаълим мактаби сардорлари фаол иштирок этишди.
“Камалак” сардорлар Кенгашининг “Дўстлик” ҳамда “Иттифоқ” сардорлар кенгашининг “Бунёдкор” жамоаси танловнинг туман босқичида барча шартларни аъло даражада бажариб, биринчи ўринни эгаллашди. Шундан сўнг, иккала жамоа ҳам “Бу бизнинг жамоа”, “Бизнинг имкониятларимиз”, “Интеллектуал ринг” шартлари бўйича танловнинг вилоят босқичида фаол қатнашиб, “Фаол иштироки учун” фахрий ёрлиқлари билан тақдирланди.
Мазкур танловнинг туман босқичида муассасамиз сардорларидан иборат иккала жамоа ҳам биринчиликни эгаллади, - дейди ёшлар етакчиси Журъат Ҳайдаров. –Танловнинг вилоят босқичида эса фаол иштирок этиб қайтишди. Келгусида барча йўналишлар бўйича белгиланган сардорлар билан янада кўпроқ ишлашга, юқори натижаларни қўлга киритишга астойдил ҳаракат қиламиз.
Воҳид ПЎЛАТОВ.
