1 АВГУСТДАН БОШЛАБ ИМПОРТ ЕНГИЛ АВТОМОБИЛЛАР НАРХИ ҚАНДАЙ ЎЗГАРАДИ
Акциз солиғининг бекор қилиниши ва утилизация йиғимининг жорий этилиши импорт енгил автомобиллар қийматига қандай таъсир кўрсатиши ҳақида – бизнинг шарҳимизда.
Ҳозирги вақтда республикага транспорт воситаларини олиб киришда қуйидаги тўловларни тўлаш зарур: божхона божи, акциз солиғи, божхона йиғими ва ҚҚС. Биз аввал ёзганимиздек, 1 августдан бошлаб акциз солиғи бекор қилинади ва утилизация йиғими жорий этилади.
Келинг, енгил автомобиллар мисолида мазкур янгиликларни инобатга олган ҳолда импорт қилинаётган транспорт воситалари қиймати қандай ўзгаришини батафсил кўриб чиқайлик. Қуйида ҳозирги ва бўлғуси нархларнинг солиштирма жадвалини келтирамиз.
Келтирилган жадвалдан кўрганимиздек, енгил автомобилнинг охирги нархи, утилизация йиғими жорий этилганига қарамай, акциз солиғининг бекор қилиниши ҳисобига камаяди. 1000 см³ дан ортиқ бўлмаган иш ҳажмли двигателга эга енгил автомобиль нархи 12%га камаяди, 3 000 см³ дан ортиқ иш ҳажмли двигателга эга енгил автомобилнинг нархи эса 10%га камаяди.
Импорт қилинадиган транспорт воситалари нархини камайтириш бўйича кўрилган чоралар ички автомобиль бозорида рақобатнинг ошишига олиб келади.
Самарқанд вилояти божхона бошқармаси
Ахборот хизмати
